Совршената комбинација од сочно пилешко, свеж зеленчук, крцкави крутони и кремаст дресинг ја прави оваа салата идеален оброк за секој ден. Лесна и заситувачка, полна со вкус и лесна за подготовка – пилешката салата е избор што ќе го воодушеви целото семејство.
Состојки:
400 г пилешко филе
сол, бибер и зачини по желба
1 главичка кромид
чери домати
1 црвена пиперка
свежа краставица
неколку парчиња леб
малку пармезан сирење
За дресингот:
3 лажици грчки јогурт
2 лажици мајонез
1 лажичка сенф
малку свеж или сув копар
сок од половина лимон
2 лажици маслиново масло
1 чешне лук
Подготовка:
Исечете го пилешкото на коцки, зачинете по вкус и пржете додека не порумени. Исечкајте го кромидот, а чери доматите, црвената пиперка и свежата краставица исечете ги на помали парчиња. Исечете го лебот на коцки, распоредете го на плех за печење покриен со хартија за печење и печете го во рерна додека не стане крцкав и златен. За дресингот, измешајте грчки јогурт, мајонез, сенф, копар, сок од лимон, маслиново масло и ситно сечкан лук. Во голем сад, измешајте го зеленчукот, пилешкото и крутоните, а потоа сè прелијте со подготвениот дресинг. На крај, изрендајте малку пармезан и послужете веднаш.
Пријатно!
Фото: Принтскрин/recepti
The post (Рецепт) ПИЛЕШКА САЛАТА СО КРЦКАВИ КРУТОНИ: Одлична е како брз ручек, лесна вечера или оброк што можете да го понесете со себе appeared first on ekran.mk.
