Оваа торта со јаболка е совршен избор кога сакате нешто слатко, домашно и миризливо. Комбинацијата од бисквити, кремаст фил и сочни јаболка дава лесен и вкусен десерт кој е идеален за секојдневни пригоди но и за гости.
Состојки:
1 пакување бисквити (со какао или обични)
5 јајца
100 г шеќер
ванила
350 мл млеко
220 грама брашно
2 јаболка (за кремот)
1-2 јаболка (за декорација)
40 г лупени бадеми
мед или џем од кајсии (за декорација)
Подготовка:
Наредете ги бисквитите во квадратен плех обложен со хартија за печење. Ако користите светли бисквити, лесно навлажнете ги со кафе или какао.
Изматете 4 цели јајца со шеќер и ванила во сад, потоа додадете млеко и брашно и добро измешајте сè. Додадете јаболка исечени на средни коцки и блендирајте сè заедно додека не добиете мазна крема. Прелијте ја подготвената смеса врз бисквитите. Одозгора наредете парчиња јаболка и наросете со бадеми. Печете во претходно загреана рерна на 180°C околу 40-45 минути. Кога ќе биде готова, извадете ја тортата и оставете ја малку да се олади, а потоа премачкајте ја површината со мед или џем од кајсии.
Оставете целосно да се олади, потоа исечете ја на парчиња и послужете.
Пријатно!
Фото: Принтскрин/novosti
