Софија Ли (20) веќе посетила повеќе дестинации од повеќето луѓе во текот на целиот живот. Оваа патничка родена на Алјаска, која е од германско-американско потекло, си поставила амбициозна цел да стане најмладата личност што ги посетила сите земји во светот.
Досега, Ли посетила 180 земји, оставајќи уште само 15 на пат кон нејзината зацртана цел: нејзиниот 21-ви роденден на 17 мај. Сепак, Ли сè уште има време, бидејќи моменталниот рекорд го држи Лекси Алфорд, која стана најмладата личност што ги посетила сите земји со 21 година и 177 дена, давајќи ѝ на Ли рок до ноември да го сруши рекордот.
Доколку успее, Ли ќе се придружи на мала група светски патници кои ги посетиле сите земји, вклучувајќи ја и Кеси Де Пекол, која го држи рекордот за најбрзо патување низ сите суверени земји. Де Пекол е особено возбудена за Леа и нејзиното влијание врз младите жени низ целиот свет.
„Сакам да бидам жена на која можам да ѝ се восхитувам и од која можам да учам, некој што ја посетилА секоја суверена нација, бидејќи немав таква инспирација кога го планирав сопственото патување. Сега, Софија може да биде тоа за следната генерација“, рекла Де Пекол.
Мелиса Рој, првата жена од јужноазиско потекло што ја посетила секоја земја, ја нагласува важноста на патувањето во ширењето на емпатијата и разбирањето.
„Патувањето ги предизвикувале предрасудите и нè потсетува дека сите сме поврзани преку споделено човечко искуство“, вели Рој.
Ли го започнала своето меѓународно патување на 13-годишна возраст кога отишла во Костарика, а денес патува со полно работно време, честопати сама.
„Патувањата се мој начин да ја предизвикам перцепцијата за тоа колку далеку може да оди едно младо девојче самостојно, а воедно го поддржува и женското овластување и образованието на девојчињата“, рекла Ли.
Како што нејзиното патување се ближи кон крајот, таа се соочува со некои од најпредизвикувачките дестинации, земји како Судан и Иран, каде што пристапот може да биде тежок поради политички и безбедносни предизвици. Ли се потпира на локалните организатори и постојано ги прилагодува своите рути за да ги задоволи предизвиците на теренот.
„Прилагодливоста е клучна“, додава Ли, забележувајќи дека визите за американски пасош станле многу порестриктивни во последниве години, што директно влијаеше на нејзиното патување. За разлика од претходните рекордери, Ли била принудена да користи дополнителни државјанства за да ја оствари својата цел.
Ли нагласила дека, и покрај сите предизвици, нејзината мисија останува фокусирана на ширење на свеста за различните култури и важноста на глобалното разбирање.
Фото: Принтскрин/Instagram
