ПОДГОТОВКАТА е едноставна, а вкусот е богат и полн.
Комбинацијата од грав и месо, со додавање на сушено месо, дава силен и ароматичен оброк што ќе се памети долго време.
Најдобро е да користите квалитетен сув грав, но во ситуации кога немате многу време, конзервираниот грав може да биде совршена замена.
Запршката е опционалнаа, но многу луѓе сакаат да ја додадат. Се прави со кратко пржење брашно во масло или маст, со додавање на црвен пипер и, по вкус, ситно сечкан лук. Сè се разредува со течност од гравот и се враќа во садот.
Состојки:
околу 300 г сув грав (или конзервиран)
200 г мелено месо
150 г суво месо (сланина, колбас или сув врат)
1 голема главичка кромид
2 чешниња лук
1 лажичка мелен црвен пипер
1 лажица брашно (по желба)
сол, бибер, магдонос
малку масло или маст
лебни трошки (по желба)
Подготовка:
Гравот варете го додека не омекне, но не се распадне. Ако користите конзервиран, прескокнете го овој чекор.
Во загреано масло пржете ситно исечкан кромид, потоа додадете мелено и суво месо и пржете додека не добие убава боја. Додадете лук, пипер и, по желба, запршка.
Гравот се додава, сè се зачинува и се префрла во плех за печење. Ако сакате кора, одозгора наросете со лебни трошки.
Се пече во рерна загреана на 180 степени околу половина час, додека вкусовите не се соединат.
Фото: Принтскрин/novosti
The post РЕЦЕПТ ЗА КАУБОЈСКИ ГРАВ: Мириса на дивиот запад и домашна кујна appeared first on ekran.mk.
