Авионската несреќа се случила за време на полетувањето во Ахмедабад, Индија, а во авионот имало 242 патници и членови на екипажот.
Авионот удрил во зграда за хостел за медицински работници, па во тој објект има и повредени лица.
Британскиот државјанин Вишвас Кумар Рамеш, единствениот потврден патник кој ја преживеал авионската несреќа на Ер Индија во Ахмедабад, седел во близина на излезот за итни случаи на летот за Лондон и успеал да скокне надвор, соопшти индиската полиција.
– Кога станав, имаше тела насекаде околу мене. Бев исплашен. Станав и истрчав. Делови од авионот беа насекаде околу мене. Некој ме грабна, ме стави во амбулантно возило и ме однесе во болница рекол Рамеш, кој се уште е во болница.
Ramesh Viswashkumar, The sole survivor of the Air India crash escaped by jumping from the plane. He was on seat number 11A.#planecrash #Airindia #Ahmedabad #AhmedabadPlaneCrash #AhmedabadCrash #अहमदाबाद pic.twitter.com/q54KyAKVKW
— Amit Pandey (@amitpandaynews) June 12, 2025
Според лекарот Давал Гамети, Рамеш има повеќе повреди, но неговиот живот е надвор од животна опасност.
Рамеш (40) бил неколку дена во Индија за да го посети семејството и се враќал во Велика Британија со својот брат.
Преживеаниот живеел во Лондон 20 години со сопругата и ќерката, пренесува Hindustan Times.
Кога авионот удрил во зградата, Рамеш седел на седиштето 11А, додека неговиот брат Ајај бил во вториот ред. Според извештаите, тој скокнал од авионот пред експлозијата.
