Иако често се вели дека мажите помалку зборуваат за емоциите, тоа не значи дека тие не ги чувствуваат. Многумина ќе признаат дека љубовта полесно ја покажуваат со дела отколку со зборови, па некои важни работи остануваат недоречени.
Експертите за партнерски односи истакнуваат дека токму овие неискажани мисли често стануваат извор на недоразбирања во врската.
Еве неколку работи кои многу мажи посакуваат нивните партнерки да ги знаат, но ретко ги кажуваат гласно.
И’ ним им треба признание
Комплиментите не се важни само за жените. Мажите исто така сакаат да слушнат дека нивната партнерка ги цени, ги забележува нивните напори и се гордее со нив. Една искрена реченица како: „Ти благодариме што секогаш мислиш на нас“ може да има повеќе значење отколку што изгледа.
Тие не секогаш покажуваат емоции, но ги чувствуваат
Многумина пораснале со верувањето дека не треба да се покажува слабост. Поради ова, тие често ја чуваат тагата, стравот или несигурноста за себе. Тоа не значи дека не им е грижа или дека проблемите не ги засегаат, тие само ги изразуваат поинаку.
Поддршката им значи повеќе отколку критиката
Кога минуваат низ тежок период на работа или во приватниот живот, повеќето мажи пред се сакаат да почувствуваат дека партнерката верува во нив. Критиката, дури и кога е добронамерна, може да биде обесхрабрувачка ако дојде во време кога им е најпотребна поддршка.
Ним им треба време за себе
Тоа што некој сака да помине неколку часа со пријателите, да се занимава со некое хоби или едноставно да биде сам, не значи дека помалку го сака партнерот. Личниот простор е важен за двајцата партнери и често придонесува за поздрава врска.
Во меморијата остануваат мали знаци на внимание
Мала порака во текот на денот, омилениот оброк по напорниот ден или прегратката без посебна причина може да има моќен емотивен ефект. Љубовта често се гради токму преку мали, секојдневни гестови.
Сакаат искрен разговор, а не погодување
Многу мажи велат дека им е полесно кога партнерката отворено ќе каже што ја мачи. Наместо да се очекува од нив да „читаат мисли“, јасната комуникација често спречува непотребни расправии и погрешни толкувања.
Фото: Pixabay
The post Машки мисли – Она што мажите сакаат да го знаат жените, но ретко го кажуваат гласно appeared first on ekran.mk.
