Велигденските пости се во тек, а ова е нашиот предлог за едноставно јадење кое моносите редовно го јадат.
Многу луѓе имаат дилема дали треба да јадат намирници од кои се произведуваат масла во деновите на воден пост, но монасите велат дека тоа е погрешно. Така, за време на воден пост можеме да го користиме целиот зеленчук и секако сите овошја, како јаткасти плодови, лешници, индиски ореви, сусам, маслинки…
Денес во донесуваме традиционален рецепт за посна супа од компири, која редовно се подготвува во манастирите, особено во посните денови. Се прави без масло, многу е вкусна и здрава, а на монасите им дава сила за секојдневните задачи.
Состојки:
500 гр компири
250 гр моркови
2 главички кромид
1 пиперка
сол
оригано
магдонос
Подготовка:
Излупете ги компирите и морковите, а потоа исечете ги компирите на коцки, а морковите на прстени. Кромидот се динста на крупни парчиња, во малку вода додека да омекне, потоа се додаваат компирите, пиперката и морковот, се прелива со вода, се посолува, се покрива и се остава да се динста на тивок оган. Чорбата е готова кога зеленчукот ќе омекне и смесата ќе се згусне. По желба на крајот можете да додадете сечкан магдонос и малку оригано. Пријатно!
Фото: Архива
