Sunday, 19 October 3817

Ништо не е повидливо и ништо не е поприсутно од твоето отсуство

Ништо не е повидливо
и ништо не е поприсутно од твоето отсуство:
ни детските шепоти што ги откривав
во сеидбите на дождовите,
ни закажаната бура во пајажините
од крајпатните меанчиња,
ни воздушните патишта, осветлени од ластовиците
ни она што добива форма само во мојот слух,
ни мојот слух додека во него задоцнетиот штурец
го навиваше својот ноќен часовник,
ни родилните маки на фрленото семе,
ни разгорениот пожар на главата од петелот
додека бега од сенката што слегува од небото,
ни просторот што ми остана меѓу твоите раце,
меѓу твоите два припека,
ни змијата што го возбудува врвот од житата,
ни снежните намети и налети во афионовите полиња,
ни пламенот што надојдува, како есенска магла,
во низата од пиперките,
ни љубовта и омразата меѓу клучот и катанецот,
ни притаената светлина во купениот кибрит;
ништо не е повидливо од твојата трага
пред мене и зад мене, со мене и во мене.

Alex_Grey_Spiritual_World

Новиот археолошки музеј ќе урива рекорди на посета
Македонија, Епир и Ахаја - карта од 1608
Мапата на Мунстер од 16ти век
Легенди и преданија - Оти попоите носат бради
Спомени на Јане Сандански 6
Македонците мора да се вратат на родниот камен
Сè е послатко кога се прави со љубов и верба (Интервју со Кристина Ласовска)
Сè ќе си дојде на свое место (Џамбо интервју со Емилија и Игор)
Само менталниот склоп е границата кон целта (интервју со Владимир Анастасовски)
Поздрав од Дојран со една стара разгледница